About

REYKJAVÍK EARLY MUSIC FESTIVAL
Alþjóðleg tónlistarhátíð í einstöku umhverfi

Reykjavík Early Music Festival er alþjóðleg barokkhátíð sem haldin er árlega í dymbilviku í Hörpu.

Hátíðin fór fyrst fram í mars árið 2024 og hefur hlotið frábærar viðtökur. Hún hefur sérstöðu í íslensku tónlistarlífi þar sem hún er eina alþjóðlega tónlistarhátíðin á Íslandi sem er helguð upprunaflutningi barokktónlistar. Hátíðin er einstakur vettvangur fyrir samstarf íslenskra og erlendra tónlistarhópa.

Markmið Reykjavík Early Music Festival er að auðga tónlistarlíf og menningu í Reykjavík og skapa alþjóðlegan vettvang fyrir flutning tónlistar fyrri alda. Einnig hefur hún að markmiði að veita tónlistarunnendum andlega næringu óháð efnahag og að skapa tækifæri fyrir unga tónlistarmenn að sækja sér þekkingu og innblástur.

UMSAGNIR

Services

„Þetta voru frábærir tónleikar og ég vona innilega að Reykjavík Early Music-hátíðin eigi eftir að festa rætur um ókomin ár og listrænn stjórnandi hennar, Elfa Rún Kristinsdóttir, á meira en hrós skilið fyrir að koma henni á koppinn.“

Magnús Lyngdal fyrir Morgunblaðið um tónleika Barokkbandsins Brákar og Cantoque Ensemble 2026.

Lesa greinina

„Það er ekki bara fullkomin intónasjón og snerpa sem einkenna leik hljómsveitarinnar, heldur er stjórn hennar á styrkleikabreytingum með því allra besta sem ég hef heyrt.“

Magnús Lyngdal
fyrir Morgunblaðið um tónleika
Akademie für Alte Musik Berlin 2025.

Lesa greinina

„Tónlistarhátíðin Reykjavík Early Music Festival fer einkar sannfærandi af stað og ég vona innilega að á henni verði framhald strax á næsta ári. Hún auðgar sannarlega tónlistarlífið hér á landi og er kærkomin viðbót við flóruna.“